ក្រសួងពាណិជ្ជកម្ម នៃព្រះរាជាណាចក្រកម្ពុជា មានកិត្តិយសសូមជម្រាបជូនដំណឹងដល់ លោក-លោកស្រី ជាពាណិជ្ជករ និងសាធារណជនទូទៅឱ្យបានជ្រាបថា ក្រុមហ៊ុន Battersea Power Station នឹងរៀបចំ «CelebrAsia Festival» ពីថ្ងៃទី១១-១៣ ខែកញ្ញា ឆ្នាំ២០២៦ នៅ Battersea Power Station ទីក្រុងឡុងដ៍ ចក្រភពអង់គ្លេស។ ព្រឹត្តិការណ៍ពិព័រណ៍នេះរៀបចំឡើងក្នុងគោលបំណងដើម្បីលើកកម្ពស់សិល្បៈ សិប្បកម្ម វប្បធម៌ ប្រពៃណី និងម្ហូបអាហារនៃប្រទេសអាស៊ីអាគ្នេយ៍ (ប្រទេសជាសមាជិកអាស៊ាន) និងជំរុញវិស័យទេសចរណ៍ក្នុងតំបន់អាស៊ីអាគ្នេយ៍។ គណៈកម្មការរៀបចំពិព័រណ៍ដាក់ជួលតុតាំងទំហំ ១៨០x៦១ស.ម ក្នុងតម្លៃ ៥០០ផោន+២០%VAT (សម្រាប់រយៈពេល៣ថ្ងៃ)។