ផលិតផលគុណភាពជាច្រើនមុខ, សេវាកម្មដ៏សម្បូរបែប, ពន្លាសេវាសាធារណៈ, កម្មវិធីអមជាច្រើន, និងការប្រគុំតន្ត្រី កំពុងមានវត្តមាននៅក្នុងព្រឹត្តិការណ៍ពិព័រណ៍ពាណិជ្ជកម្មកម្ពុជា លើកទី១៨ ឆ្នាំ២០២៥ នៅសាលសន្និបាតភីអេច ហ្គ្រេនហល បុរីប៉េងហួតបឹងស្នោ រាជធានីភ្នំពេញ។

សូមជម្រាបជូនថា ក្នុងព្រឹត្តិការណ៍ “ពិព័រណ៍ពាណិជ្ជកម្មកម្ពុជា” លើកទី១៨ ឆ្នាំ២០២៥ នេះ ក្រសួងពាណិជ្ជកម្ម បានរៀបចំជាពន្លាសេវាសាធារណៈរបស់ក្រសួង-ស្ថាប័នចំនួន ១១ ដើម្បីអនុញ្ញាតឱ្យសាធារណជនបានជ្រាប និងអាចមកទទួលសេវាសាធារណៈរបស់រាជរដ្ឋាភិបាលនៅនឹងកន្លែងពិព័រណ៍ រាប់គិតចាប់ពីសេវាចុះបញ្ជីពាណិជ្ជកម្ម រហូតដល់សេវាគាំទ្រការនាំចេញ ព្រមទាំងបានសម្របសម្រួលជូនក្រុមហ៊ុន សហគ្រាសធុនមីក្រូ តូច និងមធ្យម សមាគម ក្រសួង-ស្ថាប័ន ស្ថានទូត សរុបចំនួន ១៦៣ ស្តង់ពាណិជ្ជកម្មជិត ៣០០ ស្តង់​ចូលរួមតាំងបង្ហាញតាមក្រុមប្រភេទនានារួមមាន៖ ផលិតផលសម្គាល់ភូមិសាស្រ្តទំនិញ, ផលិតផលសក្តានុពលនាំចេញ, វត្ថុអនុស្សាវរីយ៍ សិប្បកម្ម និងគ្រឿងអលង្ការ, ចំណីអាហារ ភេសជ្ជៈ និងគ្រឿងទេស, ផលិតផលកសិកម្ម ឧស្សាហកម្ម និងគ្រឿងសំណង់, និងសេវាកម្ម ធនាគារ ទូរគមនាគមន៍ បដិសណ្ឋារកិច្ច និងភស្តុភារកម្ម។

សូមអញ្ជើញចូលរួមទស្សនាពិព័រណ៍ពាណិជ្ជកម្មកម្ពុជាលើកទី១៨​ ឆ្នាំ២០២៥ ដោយសេរី!

- ទីតាំង៖ សាលសន្និបាត ភីអេច ហ្គ្រេនហល បុរីប៉េងហួត បឹងស្នោ រាជធានីភ្នំពេញ

- ផែនទី៖ https://maps.app.goo.gl/iMRK5cKtEoU8kj5e8 ​

- កាលបរិច្ឆេទ៖ ៤-៧ ធ្នូ ២០២៥

- វេលាម៉ោង៖ ៩:០០នាទីព្រឹក ដល់ ៩:០០នាទីយប់

#ពព័រណ៍ពាណិជ្ជកម្មកម្ពុជា

#ពព័រណ៍ពាណិជ្ជកម្មកម្ពុជាឆ្នាំ២០២៥​ 

#CambodiaTradeExpo

#CambodiaTradeExpo2025

#CTexpo

#CTE-2025